Vriejdagoamd, de Fienpreuvers trekt duur het darp en de buut’ngebied’n. “Good will oamd”. Op verschillende adress’n lôôpt de huuskamer, de kökk’n en de biejkökk’n vol, as dikke zestig man en vieftien Brààndheultjes noar binn’n stapt vanweege, “Buut’ngewoone verdiensten vuur de Keunedarpse Gemeenschap”. Totaal oaverdôônderd wordt de “Huisorde der Fienpreuvers”, met de biejbeheurende versierselen oavehààndigd an de van niks wèètende “slachtoffers”. Dan is het feest in de tent, met het alles oaverstemmende bloasmuziek van “De Brààndheultjes”. “We hebben een woonboot….” De oamd eindigt op het grôôte Bouwersfeest, woet alle waag’nbouwers mekaar hebt op ezoch. Zoaterdagmänn’n begint de vuurbereiding’n vuur de optocht. Harde wind, mà gelukkig drèug weer. Van alle kàànt’n komt de waag’ns en de lôôpgroep’n noar de Keizersweg. Precies um twei uur kump de stoet in bewèèging. De kiekers, diet rieg’ndikke langs de weg stoat, geniet van de machtige loopgroep’n en praalwaag’ns, diet ôônder anvoering van HMV, hèinig het darp in trekt. At de leste waag’n langs ’n Beeld is etrökk’n lôôpt de kroeg’n vol. Iedereene hef schik. Ôôle bekèènd’n en onbekèènd’n komt mekaa tèèg’n en de môôie verhaal’n goat oaver en wier. Jong en oold deint met op de bekende carnavals nummers. Machtig dat dit nog altied kan.
Lovende weure vuur de Keunedarpse optoch in de Tubantia. De Stentor dèur der het zwiegen touw. Wat een mazzel vuur al die deelnemmers, det het duur kon goan. Hoe grôôt was het vedreet, ne dag later,biej al die ofgelaste optocht’n. In Keunedarp was het één grôôt feest, met wà tien waag’ns diet mekaar neet völle deed’n. Vief juryleed’n diet iedere waag’n maximaal veertig punt’n konn’n gèèm’n. Hoe wördt er ekekk’n. Iedere klèinighèid diet duur één van de juryleed’n wördt ezeene wordt met enömm’n. Het geet neet allèène um de mèuiste waag’n, mar ôk um de totaale groep en de presentatie n, biej het opstell’n en ôônderweg. Wis en waarachtig, as het nivo zô hôôge is, ligt winn’n en neet winn’n mar wèinig punt’n van mekaar of. Loaw we bliej weer met disse luxe. De mèèste deelnemmers valt buut’n de prieze en möt het doo met het startgeeld. Doar hooft de wille neet minder um te wèèr. Uuteindelijk kan der in iedere kategorie mar eene winn’n. Wèèst bliej met de behaalde pries, ie heur’n dit joar biej de mèuist’n en natuurlijk goaj’ der volgend joar wier keihard tèèng’n an. Dinsdagoamd twaalf uur, ’n dook geet oaver de tapkraane. Vèèr daage feest in ôôns môôie Keunedarp, goat er mar anstoan.
