Zô möt er reagèèrt wèèr op het anbod van de gemeente, toen ze met zesendartig bunder zunnepaneel’n en tien joekels van windturbines kwamm’n. Hoe is het mèugelijk um met zô’n bod te kômm’n. Natuurlijk, doar möt energieprobleem’n word’n oaverwunn’n in de wereld, mà möt Riess’n-Hoolt’n doarbiej vuurop goan? Biej de heurzitting van de commissie grondgebied van disse wekke wörd’n der gehakt emaakt van disse politiek. Met piene in ‘t harte möt ze der, as volksvertegenwoordiger, biej hemm’n ezett’n. Doar blik gen enkel drèègvlak te wèèr vuur die onbenullige windmöll’n. Met deepe respekt heiw we kekk’n noar de inbreng van vèèrtien insprekkers. Det wadd’n lèu, met kennis van zaak’n. Doar veul’n ie oe klein biej word’n. Het lek ter mangs good op, det commissieleed’n disse lèu het wark woll’n loat’n doon, zôdet de road dan een besluut kon nemm’n. De umgekèèrde wereld. Insprekkers, grôôte klasse, het volk hef zich good loat’n vertegenwoordigen, petje of. De dokters vertell’n ôôns det het slech is vuur de gezôôndheid. Zô slech det er in Nederlàànd eigelijk gen plaatse is vuur zukke grôôte möll’ns, loat stoan in Riess’n-Hoolt’n. Ingenieurs leut’n wèèt’n det er genog ààndere mèugelijkhèèd’n bint, woet lange neet genog rekkening met is e heuld’n. Feit’n diet biej de commissie kennelijk nog neet bekèènd wadd’n. Volgens de sprekkers geet de gemeente uut van vereulderde gegevens. Onvuurstelbaar. Nen advocoat’n wèès op het noalèèm’n van de wett’n. Het is nog agèèt neet zeker of het àmoa wà kan en mag. Det disse materie neet stopt biej de gemeentegrèènze van Riess’n Hoolt’n, blek wal uut het feit det er ôk insprekkers wadd’n uut Markel en Battum. Vanuut ne veiligen hook kônn’n ôônze volksvertegenwoordigers het anheur’n. Noe mà hopp’n det ze der wat met doot. Het is zunnekloar, de bevolking wil gen möll’ns. Doar wörd’n nog is wier op e wèèz’n det de roadsleed’n der zit vuur de bevolking. Het blek det biej de de anleg van het zunnepark op den Overtoom de lèu het vertrouw’n verleuirne hebt.. Biej de gesprekk’n oaver de möll’ns gung die beerputte wier lös. Zie vertrouwt de gemeente neet meer en det is arg. Maakt die fout’n good, brach de sprekker in. Heurt wat de leu wilt. Misschien is het wà zô det dit gen probleem is, wàj in de gemeente möt oplöss’n. Wèèst dan zô grôôt en drèèìt het trugge. Noa alles wà we heurt hebt, is ter meer vertrouw’n in de insprekkers dan in de koers van de gemeente. Petje of vuur alle vèèrtiene en volksvertegenwoordigers, an t wark, zô det wiej met de hèèle bevolking könt zegg’n, dar geluk
De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.
